Центарот за поддршка на згрижувачи при ЈУДД 11 Октомври-Скопје, како имплементатор на обуките за згрижувачи и згрижувачки семејства, организираше обуки на оние лица, кои се згрижувачи на деца кои имаат потреба од 24-часовно згрижување и подели сертификати за истото.

И повторно се здобивме со нови пријатели. Овој пат тоа се Учениците од II-2 и IV-1одделение со нивните наставнички Ивана Јовановска и Даниела Накова. За крајот на школската година тие решија да донесат многу убави и разновидни донации за децата од нашата установа.

Оваа година полуматурантите иако скромно, но со голема љубов, ја обележаа својата матурска вечер. На неа и претходеше спремањето и дотерувањето во LaChic. Министерката Јована Тренчовска го збогати настанот со дел од претставници од Министерството за Труд и социјална политика и им го честита убавиот повод на матурантите.

Пред СОС Детско Село од Косово, Министерството за труд и соц.политика на Косово и пред претставниците од УНИЦЕФ од Косово ги претставивме нашите искуства во реформаите на социјалната заштита. Бидејќи сме со најдобри достигнувања во оваа област во регионот имаме право да се гордееме, а нашите достигнувања се добар патоказ за тоа како успешно се работи.

Официјално започна кампањата за поддршка на згрижувачки семејства организирано од Министрството за труд и социјална политика која има за цел да ја подигне информираноста за заначењето и бенефитите на програмата за згрижување на деца. Бидејќи во нашата установа имаме Центар за поддршка на згрижувачки семејства, нашата институција зема активно учество во неа. Мотото на кампањата е: ПОДАЈ РАКА ПРОМЕНИ ЖИВОТ. БИДИ ЗГРИЖУВАЧ!

Од сработеното при едукативниот курс „Разбуди ја креативноста“ на децата од малите групни домови при домот, во културно-социјалниот центар ЈАДРО повторно се одвиваше настан од донаторска изложба на децата кои го посетуваа овој проект со прекрасни нивни фотографии. Посетителите беа видно возбудени од изработеното, што остава простор за повторна активност на вакви теми. Особено сме горди затоа што градоначалникот на општина Центар, Горан Герасимовски го поддржа настанот со своето лично учество.