Првиот Центар за поддршка на згрижувачки семејства кој се отвори во државата минатата година го посети министерката Јованка Тренчовска. Центарот функционира со шест вработени, кои даваат стручна поддршка на 156 згрижувачки семејства, кои имаат згрижено околу 248 деца. Тој ги поддржува згрижувачките семејства, им помага и ги насочува за да обезбедат грижа каква што му е потребна на детето сместено кај нив, средина најблиска на семејната. Од отворањето до сега Центарот има развиено 12 нови згрижувачки семејства, преку проценка на подобноста за потенцијално згрижувачко семејство.

Министерката Јована Тренчовска посети една Организациона единица во која се сместени 6 деца кои живеат заедно веќе четврта година. Во неа тие имаат обезбедена 24 часовна поддршка од стручен тим кој им помага во секојдневните обврски. Оваа нова форма на живеење во средина најслична на семејната за децата без родители и родителска грижа, носи значајни промени во квалитетот на живот, што е видливо по секојдневните резултати и успеси кои децата ги постигнуваат а по ништо не се разликуваат од останатите деца, сето тоа во една насока на обезбедување на еднакви можности за сите граѓани на нашата држава, особено на децата без родители.

Проект за обележување на големиот православен празник Велигден, тековно се одвива со активности на децата за изработка на најразлични креативни рачни изработки. Шарени хартии, самолепливи сликички, лепак, ножички, некое јајце од стиропор и многу, многу светкавци, секогаш се убав предизвик за нешто ново да се изработи а на тој начин децата креативно да се афирмираат и да се активираат да размислуваат во тој правец.

Еден од нашите додлгогодишни соработници е и Zaccaron Elizabeta која никогаш не не заборава, независно од тоа дали е некој посебен ден за тој да се обележи со некој убав пријателски гест. Нејзината љубов кон децата и нејзиниот хуман однос кон нив, секогаш соодветено го искажува донирајќи најразлични потреби за малите групни домови.

И невладината организација Мерхамет се здоби со статус на наш пријател. Тие донираа прехрамбени производи по нивен избор наменет за децата во малите групни домови.

Остварена средба со Директоркта г-ѓа Алма Бадиќ од „Институтот за мајки и деца“ од Босна и Херцеговина, Професорката по нутриционизам Суада Кариќ, Претседателката на здружението „Доза Среќа“ Сузана Стојановска, г-динот Драган Јованов и г-динот Авди Демири, за можна соработка и размена на искуства помеѓу двете институции и развивање на соработка и со други установи од областа на социјалната заштита. Регионалната блискост и сличните интереси особено за децата во социјален ризик, како и лица на кои им е потребна помош и поддршка од стручни профили и добивање на одредени услуги од државата се теми од заеднички интерес.