Нашите пријатели Весписти повторно со подароци за децата од Малите групни домови

И овој пат нашите пријатели не ги заборавија децата од малите групни домови. Ѓорги Галетановски повторно донираше уникатни новогодишни пакетчиња, додека пак Филип Андов, директорот на затворот „Скопје“ во Шуто Оризари донираше бела техника за потребите на децата во Организационите Единици.

Слободното време секогаш правилно го користиме. Овој пат се одлучивме за заедничко гледање филм Аватар: Патот на водата

Силк Роуд Банка, како општествено одговорна компанија, продолжува и понатаму да пружа континуирана поддршка и грижа за децата од малите групни домови. Согласно потребите на Домот, донацијата содржи сетови за домаќинство, панелни конвектори, миксери, машина за перење и пакетчиња со козметика за сите деца, соодветни на возрасните групи во 4 групни домови.

Во друштво на Министерката за труд и социјална политика на РСМ Јованка Тренчевска, во Клуб на пратеници го одбележавме Меѓународниот ден на лицата со попреченост 3-ти Декември.

Крејзи Лаб е наш постојан пријател кој постојано сака да ги посети децата во малите групни домови, да ги праша како се и да им подели по некшто кое што во моментот им е потребно. И овој пат им благодариме за нивниот хуман гест со убавата донација.